Gaenh bi daeuj, Liujcwngz Yen cizgiz aeu lai aen cosih haenqrengz doihaeuj hong henhoh nem swnjcienz vwnzva Mulaujcuz, coicaenh dieg Mulaujcuz vwnzva minzcuz mbouj- duenh hoenghhwd.

It dwg gyalai roengzcienz youq dieg Mulaujcuz comzyouq haenx guh vwnzva gihcuj sezsih gensez. Gaenh geij bi gungh roengz 600 lai fanh maenz guh Gujcai Mulaujcuz Yangh minzcuz vwnzva gvangjcangz、ranz baijok vwnzva minzcuz、henhoh ranzgaeuq Mulaujcuz、mbanj daegsaek Mulaujcuz gensez daengj hanghmoeg.

Ngeih dwg cauxguh“minzcuz vwnzva mingzben”gunghcwngz. Cungfaen leihyungh gij swhyenz vwnzva minzcuz Gujcai Mulaujcuz, cujciz buek vunz guh vwnzyi、sinhvwnz、sezyingj haenx daengz ndaw yangh yawj caemhcaiq guh cangcoz, yiengq ndawbiengz soucomz doenghgij cozbinj vwnzva minzcuz buek he, gawjbanh“minzcuz funghcingz”sezyingj baijok, cauxguh doenghgij vwnzyi cozbinj lwnhgangj Mulaujcuz funghcingz haenx.

Sam dwg yawjnaek nem bangfuz doenghgij Mulaujcuz vwnzyi donzdij ndawbiengz. Gonqlaeng bangfuz laebbaenz Gujcai Mulaujcuz Yangh Banhcunh Gveigidui、Lungzhancinz Cunh Fouxsaedui、Lungzbauz vwnzyidui daengj vwnzyi donzdij ndawbiengz Mulaujcuz.

Seiq dwg guh ndei hong henhoh vatgud lizsij vwnzva. Doenggvaq ceng’aeu hanghmoeg, gensez ranz baijok vwnzva minzcuz, henhoh nem gensez mbanj daegsaek, cizgiz ciengjgouq nem soucomz gij doengh- yiengh gaeuqgeq Mulaujcuz gag miz haenx, gij ranzgaeuq miz Mulaujcuz daegsaek haenx ndaej henhoh ndei.

(Veiz Ginzvah)