Seizdoeng baenzlawz fuengz naengnoh humzhaenz ne? Ndaej daj baihlaj geij fuengmienh bae guh:

1、Aenvih seizdoeng mbwn nit, ndang vunz noix ok hanh, gaej yungh caemx ndang daiq lai, moix singhgiz caemx baez ndeu couh ngamj. Caemxndang fuengsik wnggai dwg rwed caemx ceiq ndei, gaej cimq roengz bat bae caemx, raemx hix gaej ndat lai.

2、Caemxndang seiz gaej yungh gij genj daiq ndaengq(daegbied dwg gij vunz naengnoh hawqsauj haenx), naengh itdingh aeu yungh genj ndaengq, ceiq ndei genj yungh gij genjhom cunghsing、cizlieng haemq ndei haenx. Caemx le sikhaek led di youzcij ndeu, gemjsiuj raemx ndaw ndang fwifat.

3、Gaej daenj gij buhvaq bwnnyungz caeuq cocauq, hawj naengnoh noix deng gig, buhvaq aeu senj cawx gij aeu faiq daeuj guh、cizlieng saeqnaeh youh gvangq unq haenx.

4、Haeujsim ndaw ranz ndaw rug gya cumx, daegbied dwg boux youq laeuzsang engq aeu haeujsim di neix. Lai gwn raemx, moix ngoenz gwn 2 swng raemx daeuj nyinh naengnoh.

5、Habliengh gwn di gijgwn youzlauz lai ndeu, siuj gwn laeuj siuj gwn gijgwn manhget, lai gwn di byaekheu caeuq lwgmak ndeu.