Bouxvunz lau nit dwg caeuq ndaw ndang noix vuzgihyenz mizgven. Ndigah, seizdoeng wng lai gwn di lauxbaeg nding、beghab、biekbya、ngaeux caeuq byaekheu、byaekhau daengj. Seizdoeng ciengx ndang seiz, itdingh aeu guh daengz “seiq lai”, cijndaej mizyauq dwk ciengx ndei aenndang.

It lai: Lai gwn di gijgwn raeuj、ndat, daegbied dwg gijgwn raeuj bouj heiqyiengz aenmak. Ndaej senj gwn haeuxsuen、haeuxciem、haeuxyangz、meg- mienh、duhhenj、duhlanhdou daengj haeux duh; byaekgep、byaekrang、gosuenq、lauxbaeg、byaekvahenj daengj doengh go byaekheu; nohyiengz、nohma、nohcwz、nohgaeq、byalae、byaleix、byalienz、byadaiyiz、nyauh daengj noh; makgam、makyehswj、mak- bohloz、maklaehcei、maknganx daengj lwgmak. Bouxlaux ndang haw wng ciengz aeuq gwn gaeq- meh、nohcing、nyinzdaez caeuq cijvaiz、gienghduh daengj, daeuj demgiengz rengz aenndang.

Ngeih lai: Lai gwn di gijgwn hamz veizswnghsu B2、veiz- swnghsu A、veizswnghsu C ndeu. Veizswnghsu B2 cujyau youq laeng bwtdaep doihduz、gyaeqgaeq、cijvaiz、duh; gijgwn hamz veiz- swnghsu A lai haenx cujyau miz bwtdaep doihduz、lauxbaeg nding、namzgva、lwgmaenz ndaw nding daengj; veizswnghsu C cujyau youq laeng byaekheu singjsien caeuq lwgmak.

Sam lai: Lai gwn di gijgwn bouj ndat ndeu, lumj nohcing、nohgaeq nohbit、gyaeqgaeq、bya、cijvaiz、gij doxgaiq aeu duh daeuj guh daengj.

Seiq lai: Lai gwn di gijgwn hamz dan’anhsonh caeuq vuzgih- yenz ndeu, lumj lwgraz、ceh godaengngoenz、yaumuj、gij dox- gaiq aeu cij daeuj guh、mbaw byaekheu daengj. Bouj gai hix ndaej hawj aenndang lai dingj ndaej nit. Gijgwn hamz gai lai haenx miz cijvaiz、gij doxgaiq aeu duh daeuj guh、byuk nyauh、haijdai、byaekbyoem、ciengq lwgraz daengj.