Aenvih seizcou yungzheih deng rumznit ci dwgliengz, yinxhwnj haujlai vunz miz hohndok、ndoenjhoz、saenlaeng binghbienq le okyienh hwet naet laeng in, miz vunz siengj yungh gok daeuj ndoet heizcaep ndaw ndang okdaeuj. Danhseih conhgyah naeuz, haeuj laebcou le mbouj hab yungh gok daiq lai, daegbied dwg boux ndang hawnyieg caeuq bouxlaux, yungh gok ndoet heiqcaep ok rox hawj bingh engq haeuj naek.

Linghvaih, seizcou yindung aeu haeuj- sim fuengz hawqsauj, ngoenznaengz lienh- ndang le aeu gwn di gijgwn nyinh yaem、nyinh bwt、bouj raemx seng raemx ndeu, naengh ok hanh daiq lai, ndaej habdangq bouj gwn di raemxgyu cit ndeu, danhseih aeu guh daengz menh gwn, gwn noix caemhcaiq gwn lai baez.