1、Saidiemheiq ganjyenj baenzbingh. Saidiemheiq ganjyenj baenzbingh dwg aen yenzyinh baenz ae’ngab ciengz raen ndeu, neix dwg aenvih, binghdoeg yinxhwnj saidiemheiq baenzbingh cix sonjhaih daengz nemmuek saidiemheiq vunzbingh, vunzbingh rengz dingj bingh doekdaemq, yungzheih baenz laebdaeb ganjyenj yaeuhfat baenz ae- ngab.

2、Minjganj yinhsu. Yinxhwnj baenz gominj cujyau yenzyinh dwg gominjsing ae- ngab, ciengz raen gij goekgaen gominj de baugvat vafaenj、faenx、bya nyauh daengj haijsenh sizbinj caeuq mok hoenz daengj. Gij huq neix gig saidiemheiq yinxhwnj cihgi’gvanjyenz gaenjcieng sousuk, gij huq iemqok lai, couh rox hawj bingh gaeuq fukfat.

3、Aenmbwn yinhsu. Aenmbwn bienqvaq hix dwg gij yenzyinh baenz ae- ngab ndawde cungj ndeu, mwh geiqciet doxvuenh seiz, lumj hahcou roxnaeuz daj doeng haeuj cin, dohraeauj caeuq gij dohmbaeq ndaw hoengheiq bienqvaq daih, yungzheih gig saidiemheiq hawj de gominj yaeuhfat baenz ae’ngab.

4、Yw. Mbangj yw rox hawj ndang vunz gominj, yinxhwnj cihgi’gvanj bienq gaeb yaeuhfat baenz ae’ngab. Mbangj yw rox hawj ae’ngab engq haeuj naek, caemhcaiq rox dai vunz dem.