Haijdai hamz dansuij vahozvuz gig lai, hamz danbwzciz caeuq lauz haemq noix, dwg huqndei gemjbiz. Haijdai dwg cungj gijgwn ndaengq ndeu, ciengzseiz gwn de ndaej hawj ndang vunz lai supsou gai, youq ndaw gijgwn youz nywnx gyaux di haijdai ndeu haeujbae, ndaej hawj ndang vunz siuj rom youzlauz. Sojmiz gijgwn ndawde, haijdai hamz denj ceiq lai, moix 100 gwz haijdai hamz miz 700 hauzgwz denj. Denj dwg cungj veizlieng yenzsu ndang vunz itdingh aeu miz he, dwg gij cungyau yenzliuh habbaenz gyazcangsen haenx, naengh ndang vunz ciengzgeiz noix denj, couh rox okyienh baenz gyazcangsen gawh hung, gwn haijdai ndaej fuengzceih cungj bingh neix. Linghvaih, mehdaiqndang ndaw ndang denj noix, couh rox yingjyangj lwgndawdungx sengmaj fazyuz, cauhbaenz lwgndawdungx doekseng le fazyuz mbouj ndei. Yihyoz conhgyah yenzgiu ndaej rox, haijdai lij ndaej yw binghnyouhdangz、hawj hezyaz doekdaemq, caemh ndaej yawhfuengz hezyaz swng sang caeuq uk saek lwed, lij ndaej dingj nit、fuengz aiz、dingj lwet gietgongj daengj lai cungj goengyauq dem.

Cigndaej haeujsim dwg, haijdai yienznaeuz feihdauh sien ndei, danhseih mbouj hab gwn lai. Haijdai singq caep, boux dungx hawcaep hix mbouj hab gwn lai.