Gingjyangz Cunh dwg aen cunh youq Vanzgyangh Mauznanzcuz Swciyen Yananz Yangh baihsae, liz yangh cwngfuj 12 goengleix, dwg aen mbanj gungzhoj, hix dwg aen mbanj guh daengx mbanj doihaeuj haifat fuzbinz he(daengx gih gungh miz gij mbanj neix 300 aen). Hoeng, Gingjyangz Cunh gij swhyenz lajfaex fungfouq, lij miz giz fazcanj haemq lai. Aen cunh neix miz 40000 moux ndoengfaex swnghdai nem 1000 moux faex aeu diegreih doiq ndaem, ndoeng mwn faex lai, bya ndoi gyaeundei.

Bi’gvaq 4 nyied, Vangz Yauj- hungz caiq daengz Vanzgyangh Mauznanzcuz Swciyen Yananz Yangh Gingjyangz Cunh dang suhgi daeuz. De rox gij cingzgvang aen cunh neix liux, roengzsim fazcanj lajfaex dajndaem. De cungfaen fazveih gij cozyung gyoengq ganbu“song veij”“song daiq”caeuq gij cozyung dangjyenz guhyiengh nem dazyinx haenx, leihyungh gij danhvei baengh、giyez gien doenghgij cienzngaenz guh canjyez fuzbinz, aeu diemj daiq mienh, fatdoengh vunzlai camgya, guhdaengz aen muzbyauh saedyienh duet hoj baenzfouq、daengx mbanj doihaeuj. Youz de dazyinx, gyoengqvunz mbanj gungzhoj doxcanj haenqrengz fazcanj swnghdai daj- ciengx canjyez、duet hoj baenzfouq, doenghboux ciengzgeiz youq baihrog guhhong haenx dauq ranz cangyez, baenz bouxak guh lajfaex dajndaem haenx. Aen canjyez dajciengx moubya youz de dazyinx haenx cwngzyau yienhda. Bineix daengz byai, ciengx miz mou 800 daengz 1000 duz, ndaej gai 250 daengz 300 duz, canjciz miz 300 lai fanh maenz, gai mou souhaeuj 90 lai fanh maenz, canh ndaej mauhgvaq 30 fanh, moix boux laisou 870 lai maenz.

(Hoz Youjsuz)