●Bineix, Denhdwngj Yen gungh fat 3.2 fanh maenz hawj 16 boux hagseng maenhndei youh daegbied gungzhoj haenx. Ndawde, 8 boux hwnj gauhcungh, 8 boux hwnj dayoz.

(Luz Linzhuj)

●Bineix, Ningzmingz Yen Bwzgyangh Yangh daihgaiq roengz 83 fanh maenz youq Liengzanh Yangh Mbanjnenhauj、Mbanjnaz- moh、Cihsuh Cunh Mbanjnazvang daengj mbanj, roengz cienz rengz guh“Gvangjsih gyaeundei·lajmbanj seuqcingh”, vunzlai haenhndei.

(Couh Yizgangh Couh Sinh- dauz)

●Geij ngoenz gonq, Nungz- yezbu gunghbu“2012 ceiq miz yingjyangjliz Cunghgoz nungzcanj- binj ranghdieg goengyungh binjbaiz”, ndawde makndae、makgam Gunghcwngz 2 cungj doenghyiengh nungzyez mizmingz neix ndaej bingz guh cungj binjbaiz neix.

(Gingh Yungj Moz Yaujhanz)

●Yungzanh Yen haenqrengz gaijguh daezsang conzdungj canj- yez. Daengz 8 nyied daej, aen yienh neix guhsat digih swnghcanj cungjciz 19.57 ik maenz, doengz- beij demhwnj 9.5%; daengx sevei guding swhcanj roengzngaenz 37.7 ik maenz, demhwnj 18.5%; gveih- moz gunghyez cungjcanjciz 21.11 ik maenz, doengzbeij demhwnj 9%.

(Vei Gangh Vei Cujswz)

●Gaenh geij bi daeuj, Nazboh Yen Cwngzsiengh Cin gonqlaeng anbaiz cienzngaenz gaijguh ranzyiemj, Dazlaz Cunh Mbanjdazlaz nem Cejlanz Cunh Mbanjcejlanz, bangcoengh ginz- cung Yizcuz hwnj ranzlaeuz moq 51 aen, roengz 60 lai fanh maenz youq song aen mbanj guh ranz cunhveij aen he, daizheiq aen he, gvangj- cangz diuqfoux aen he, giuzcangz aen he, guh roensuijniz diuz he 2000 lai bingzfanghmij.

(Vangz Bizvaz Liengz Feih- lungz)