Gaenh bi daeuj, Ningzmingz Yen mboujduenh demlai roengzcienz guh vwnzva gihcuj sezsih, gyagiengz vwnzva duivuj gensez, fungfouq vwnzva hozdung neiyungz, coicaenh vwnzva minzcuz fazcanj, aeundaej cwngzyau yienhda.

It dwg gensez buek vwnzva gihcuj sezsih he, vih fazcanj vwnzva minzcuz daezhawj giekdaej maenh. 2008 nienz, aen yienh neix roengz 1.8 ik maenz laebbaenz Byaraiz Vwnzva Gvangjcangz, baenz gizdieg cujyau ndaw yienh neix guh gvangjcangz vwnzyi yienjok nem ginzcung lienhndang; daj 2008 nienz daengz 2012 nienz, daengx yienh gungh roengz 300 lai fanh maenz guh baenz 74 aen mbanj gaep lanzgiuzcangz; roengz 600 lai fanh maenz, guh baenz 154 aen“ranzsaw nungzgya”caemhcaiq ndaej yungh, daezgonq saedyienh aen muzbyauh“ranzsaw nungzgya”laeb doh hingzcwngcunh. Ngeih dwg gyagiengz gensez buek vwnzva donzdij he, vih fazcanj vwnzva minzcuz daezhawj vunzcaiz. Dangqnaj, aen yienh neix vwnzyoz、yinhyoz.、suhfaz、meijsuz、sezyingj、heiq foux、fwen 7 aen hezvei gungh miz veiyenz 430 vunz, ndawde miz doenghboux gyahaeuj guekgya gaep vwnzyi hezvei haenx 2 boux, gyahaeuj swngj gaep vwnzyi hezvei haenx 29 boux. Doengzseiz, gyoebbaenz 60 lai aen vwnzyidui ndawbiengz, yenj- yenz miz 900 lai vunz. Sam dwg biensij buek vwnzyi cozbinj he, vih fazcanj vwnzva minzcuz daezhawj neiyungz engq lai. Aen yienh neix gujli bienguh cozbinj vwnzva minzcuz, haenqrengz daezsang gij mingzdaeuz vwnzva minzcuz. Gaenh bi daeuj, 60 lai gienh(bien) cozbinj maenhndei youz bouxvwnzyi ndaw yienh cauxok haenx ndaej guekgya ciengj, 150 lai gienh(hangh) ndaej swcigih ciengj、si ciengj, ndawde Caianh Yangh Sinningz Segih caijdiudui gij cozbinj 《Cingz Caijdiu Cienz Henzguek》lij ndaej“hungzyangz Gvangjsih cingsaenz”bingzbeij samdaengjciengj.

(Hoz Bingjswng)