Rumzcou ci daeuj, naengnoh caeuq sailwed laj naeng hup haeuj, bouxvunz sup haeuj baiz ok caeuq lwed lae baedauq gemjmenh, baenz moengj vunz naengnoh humzhaenz swgswg.

Humzhaenz yienznaeuz mbouj dwg maz bingh hung, danhseih bouxvunz cix hwnz ninz mbouj ndaek, nyapnyuk dangqmaz, baenzlawz guh ne?

1、Caemxndang fuengfap aeu gohyoz. Caemxndang daiq lai rox hawj luep bizcij baujhoh naengnoh haenx swiq bae liux, naengnoh couh engq hawqsauj, moix aen singhgiz caemxndang baez ndeu couh gaeuq lo. Caemxndang seiz wng senj gij ywcaemx haemq unqswnh daeuj caemx, gaej yungh gij ywcaemx cawz uq haemq giengz haemq ndaengq haenx; genjhom vuengzcungq miz duet cij cozyung, hab boux naengnoh iemq youz daiq lai haenx yungh, bouxlaux、boux naengnoh hawqsauj、vunzhung ndang haw、lwgnyez、boux naeng hwnj gyaepbya haenx mbouj hab yungh. Aeu gamhanh ndei raemx raeuj, raemx gaej ndat lai, gaej yunghrengz nucat.

2、Wng senj daenj gij buhndaw baengz unq、siuj gig naengnoh haenx.

3、Gaej cit ien ndoet laeuj daiq lai daiq deih, gaej gwn caz gwd、 gahfeih roxnaeuz gijgwn manhget.

4、Gyagiengz lienhndang, hawj ndang lai miz rengz, coi lwed lae baedauq, gemjsiuj naeng humz.