9 nyied 27 hauh, youq gwnz cauhcangz Yungzsuij Myauzcuz Swciyen Minzcuz Cunghyoz, gyoengq hagseng moq cingq diuq fouxvenz, nauhyied raixcaix, lauxsae caemsim son, hagseng roengzrengz hag, ciengzmienh sengdoengh、huzndei. Dangqnaj, ndaw yienh neix moix gaiq hagseng moq cungj aeu hag fouxvenz Myauzcuz.

Gaenh bi daeuj, Yungzsuij Myauzcuz Swciyen Minzcuzgiz、Gyauyuzgiz vih hawj vwnzva hag- dangz fungfouq, gya’gvangq gij roen guh suciz gyauyuz, mboujduenh supsou doenghgij vwnzva minzsuz minzcuz maenhndei, daihdamj ok- moq, dawz fouxvenz Myauzcuz dangdieg yinxhaeuj ndaw hagdangz、buen haeuj gwnzdangz、youq gogenh diuq, hawj moix boux lauxsae nem hagseng baenz bouxswnjcienz vwnzva minzcuz nem bouxhungzyangz minz- cuz cingsaenz. Dangqnaj, hagseng doengzcaez diuq fouxvenz Myauzcuz cungj gogenhcauh neix gaenq baenz ndaw hagdangz aen funghgingj gyaeundei he.

(Cinz Cunghdwz)