●10 nyied 15 hauh banhaet seiz dagogenh, Cwnzhih Si Danzyungz Cunghyoz miz dijyuz lauxsae cingq youq gwnz cauhcangz sonyinx hagseng diuq fouxminzcuz——fouxfaexsaux. Daj bineix haggeiz seizcou daeuj, Cwnzhih Si Danzyungz Cunghyoz mboujduenh ca’ndei hong hagseng youq dagogenh guh hozdung, yinx hagseng youq dagogenh daengz gwnz cauhcangz diuqfoux、diuqcag、diuqgyae daengj.

(Lij Swcin)

●Gaenh bi daeuj, Yungzanh Yen youq ndaw yienh doenghgij mbanj gungzhoj doigvangq youq ndaw naz ciengx byaleix, moix moux ndaej bya 40 daengz 50 goenggaen. 10 nyied 18 hauh, Yungzanh Yen Banjlanj Cin Gvanhsiz Cunh gawjhengz“bya haeux doxbouj”、 “haeux bya caemh miz”nem“naz ndaej song yungh”swnghdai mozsi niemhsou, moix moux naz hawj beixnuengx Yauzcuz laisou 1000 maenz doxhwnj.

(Danz Gaijhingh)

●10 nyied 19 hauh, daih- ngeih gaiq Gvangjsih gunghyi meijsuz cozbinj sawq baijok youq Namzningz Gozci Veicanj Cungsim gawjhengz, gwnz de baijok 1.2 fanh lai gienh cozbinj, miz buek doenghyiengh gunghyi conzdungj minzcuz he, youz canghgunghyi ndawbiengz caux, daegsaek yienh- da, ndeiyawj raixcaix.

(Yi Sienghcenz)

●Geij ngoenz neix, Denh- dwngj Yen nungzminz cadawz seiz mbwn gvengq, leihyungh seizcou reihnaz hoengq ung dinfaex miuzva、dajndaem byaekgwn daengj, haenqrengz daezsang ranzvunz souhaeuj. Beijgangj 10 nyied 16 hauh, Denhdwngj Yen Denhdwngj Cin Yungzvaz Cunh doenghboux vunz- mbanj cungj nyaengq laeb fog, yaek doek cehfaex.

(Liengz Cwngzfuj)