10 nyied 14 hauh, Lungzcouh Yen Densidaiz dauqfuk haibo《Sinhvwnz Vahcuengh Lungzcouh》. Haibo aen lanzmuz neix, yienh’ok Lungzcouh Yen Minzyijgiz youq guh dangj raeuz ginzcung luzsen gyauyuz sizcen hozdung ndawde youh byaij ok mbaek moq he.

《Sinhvwnz Vahcuengh Lungz- couh》aen lanzmuz neix singhgizit daengz singhgizhaj banhaemh 9:20 daih’it baez book, ngoenz daihngeih banringz 11:20 caiq bo, moix baez daihgaiq bo 15 daengz 25 faen cung. Neiyungz dwg gij gaujgen ndaw《Sinhvwnz Lungzcouh》, baugvat daengx yienh cwngci、ginghci、gyauyuz、vwnzva、veiswngh、sanh- nungz daengj. Aen lanzmuz neix bo daengz yienhsingz nem daengx yienh 12 giz dieg yangh(cin) cwngfuj youq haenx, lij miz gij mbanj miz 50 ranz doxhwnj haenx, bo daengz ranzvunz lajmbanj fanh lai hoh, yienhsingz nem lajmbanj 16 fanh lai vunz sou ndaej.

《Sinhvwnz Vahcuengh Lungz- couh》aen lanzmuz neix aeu Vahcuengh Lungzcouh book, neix couh hawj vunzlai doenggvaq dingq gvangjbo roxyiuj lusen、fuengcim、cwngcwz dangj raeuz nem mizgven faplwd fazgveih, roxyiuj gak cungj gak yiengh siusik ndawbiengz nem gak loih cihsiz, doiq coicaenh aen yienh neix sevei ginghci vwnzva fazcanj miz cozyung gig hung. Doengzseiz, ndaejnyi gij vah baeznaengz gangj haenx youq ndaw densi book, vunzlai gamjdaengz simraeuj、miznaj、vuenyungz, daejniemh daengz gij gvensim dangj nem cwngfuj. Neix hix dwg Lungzcouh Yen guh gij saeh gaihcanj dangj raeuz ginzcung lusen gyauyuz sizcen hozdung haenx, doiq henhoh vwnzva Bouxcuengh, coicaenh minzcuz doxgiet nem sevei onjdingh miz yiyi gig hungmbwk.

(Lungzcouh Minzyijgiz)