Bwt dwg aen diemheiq gi- gvanh youqgaenj bouxvunz, dwg gij goek heiq ndang vunz, heiq bwt hoengh roxnaeuz nyieg, gvendaengz bouxvunz gyaeu ndaej nanz mbouj nanz.

Siuj gwn manh lai gwn soemj. Seizcou, goengnaengz aenbwt bien vuengh, gwn huqmanh daiq lai, rox hawj heiq bwt engq hoengh, daengzlaeng sieng daengz heiq daep, ndigah, seizcou aeu siuj gwn coeng、hing、gyaeujsuenq、byaekgep、lwgmanh, lai gwn makbingzgoj、maksiglouz、makit、makgai、mak- yengj、makbug、makcengz、mak- sanhcah、makyungz、lwgcid.

Lai gwn cuk. Seizcou gyanghaet lai gwn di cuk ndeu, gawq ndaej cangq mamx ciengx dungx, youh ndaej hawj vunz liengzsangj. Seizcou ciengz gwn gij cuk haenx miz: Cuk haeuxsuen maksanhcah、cuk haeuxsuen makleizbit、cuk haeuxsuen nohdouq、cuk haeuxsuen lauxbaeg hau、cuk haeuxsuen ngveih makgingq、cuk haeuxsuen naeng makgam、cuk haeuxsuen bingj- lwgndae daengj.

Hab bouj gwn dang cangq ndang. Gij dang hab seizcou gwn miz: Dang lwgfaeg beghab、dang makyungz naeng mou、dang ndoksej maksanhcah、dang maksanhcah byaleix、dang gyaeuj byalienz、dang byalae、dang byacaek lwglimz、dang daeuhfouh mbaw gaeujgij、dang daeuhfouh raetbingzguh、dang gyaeqgaeq raetbingzguh、dang byaekaeuj raetdoeng daengj.

Hab lai gwn nohbya. Seizcou dwg aen geiqciet gwn bouj ndeu, danhseih mbangj vunz lau gwn bouj le ndang fat biz, mboujfuengz lai gwn di nohbya ndeu, nohbya youzlauz noix, cihfangzsonh ndaw nohbya ndaej gyangq dangz、hoh sim caeuq fuengz aiz.