Haeuj daengz seizcou le, aen- mbwn cugciemh liengzsangj, ndang vunz gig hab gwn di nohyiengz nohvaiz ndeu daeuj bouj ndang. Danhseih cunghyih nyinhnaeuz, seizcou gwn bouj aeu gaengawq aenmbwn bienqvaq daeuj gwn. Seizcou ndaej faen baenz song aen bouhfaenh daeuj yawj. Coufaen gaxgonq, bouxvunz ngamq ginggvaq aen seizciet seizhah ndat- hwngq, goengnaengz aendungx caengz hoizfuk cingqciengz caezcienz, gyahwnj dienheiq lij haemq mbaeq, vunzraeuz lij caengz hab gwn gijgwn youz nywnx; gvaq coufaen le, aenmbwn cugciemh bienq liengz, youh dwg cunjbei haeuj seizdoeng lo, haemq hab gwn di gijgwn raeujndat ndeu daeuj bouj ndang, hoeng aen seizciet neix dienheiq youh haemq hawqsauj, ndaeng bak bouxvunz yungzheih baenz baez、da saep, ndigah, mbouj ndaej gwn gijgwn manhget daiq lai.

Cunghyih genyi naeuz, haujlai vunz cungj maij gwn hojgoh, danhseih aeu haeujsim gaembak, aen daengz song aen singhgiz gwn baez ndeu couh ngamj, gwn lai rox hwnjhuj, doengzseiz aeu lai gwn di byaekheu ndeu.