Makyungz. Ndaw makyungz hamz veizswnghsu C caeuq gij nding makyungz gig lai. Gij nding de dingj ndaej yangjva goengnaengz haemq ak, ndaej siucawz gij swyouzgih sonjhaih aendaep. Boux aendaep goeng- naengz mbouj cingqciengz ndaej ciengzseiz gwn di dang nohbit makyungz ndeu, yienghneix ndaej nyinh yaem. Gwnfap: Ronq makyungz baenz naed le aeu ma geng ndeu, mwnh byaekginzcai、mwnh lauxbaeg nding、lauzmou gak buenq geng itheij dwk roengz haeuxcuk goenj bae log cug, dwk di gyu caeuq veicingh le gwn, yw ganhyenz yaugoj gig ndei.

Gyaeujsuenq. Gyaeujsuenq ndaej hoh daep, boux aendaep goengnaengz mbouj cingqciengz ndaej gwn de daeuj bangbouj ceihyw. Danhseih mbouj ndaej gwn lai, gwn lai rox sieng daep.

Lwghaemz. Ndaw lwghaemz hamz miz veizswnghsu C gig lai, daihgaiq hamz miz 120 hauzgwz veizswnghsu C, beij makdumh (80 hauzgwz) caeuq makcengz(90 hauzgwz) lij lai. Ndaw lwghaemz lij hamz miz gyaz, ndaej hawj hezyaz doekdaemq. Danhseih mbouj ndaej gwn lai, gwn lai rox sieng dungx.

Ceh gaeujgij. Ceh gaeujgij bouj mak ceiq ndei, de hamz miz lauxbaeg nding doxgaiq、gij ndaengq byaekdiemz、veizswnghsu A、veiz- swnghsu B1、veizswnghsu B2、veizswnghsu C caeuq gai、linz、diet daengj doxgaiq, ndaej hawj hezyaz doekdaemq、gyangq hezdangz、gyangq hezcij.