1、Mwh ngamq fatndat dwgliengz conghhoz youh haenz youh in seiz, sikhaek aeu raemxgyu gwd moix gek 10 faen cung riengx bak riengx conghhoz baez ndeu, riengx 10 baez baedauq couh raen miz yaugoj.

2、Gwn dangnohgaeq ndaej gemjmbaeu aenvih fatndat dwgliengz seiz ndaeng saek、mug rih, caemhcaiq ndaej cingcawz binghdoeg saidiemheiq dem. Ciengzseiz gwn dangnohgaeq ndaej demgiengz rengz dingj bingh ndang vunz, hix ndaej yawhfuengz baenz dwgliengz. Youq ndaw dangnohgaeq dwk di hozceu、hingngip ndeu, roxnaeuz cawj mienh seiz dwk di hozceu caeuq hingndip ndeu, ndaej yw dwgliengz.

3、Ndingq 42 doh baedauq raemxraeuj roengz ndaw cazboi baujraeuj bae le, boux mehdaiqndang baenz fatndat dwgliengz haenx bak、ndaeng iet gvaq gwnz bak boi bae sup aeu fwi ndat, ngoenz 3 baez.

4、Mehdaiqndang baenzae seiz, ndaej dub aen gyaeqgaeq ndeu hoed yinz, dwk di begdangz caeuq heuz di raemxhing ndeu, yungh byongh boi raemxgoenj heuz gwn, gwn song daengz sam baez couh mbouj ae lo.