1、Geih dungx byouq seiz gwn. Aenvih ndaw lwgndae hamz miz youzsonh caeuq gojsonh gig lai, mwh dungx byouq seiz gwn rox hawj lwgndae louz youq ndaw dungx nanz lai habbaenz gietsig. Danghnaeuz gietsig fouzfap baiz okdaeuj, couh rox cauhbaenz conghsaej saekdimz, yienghneix donh aek baihgwnz couh insep、rueg ok caemhcaiq rueg lwed dem.

2、Geih gwn naeng. Youzsonh dingzlai dwg comz youq ndaw naeng, mwh duet saep seiz, youzsonh ndaw naeng mbouj gojnwngz duet ndaej ok liux, daiq naeng gwn roengz dungx rox yinxhwnj baenz gietsig.

3、Aeu hableix dapboiq. Cunghyih nyinhnaeuz, duzbaeu caeuq lwgndae cungj dwg gijgwn caepliengz, ceiq ndei gaej doengzcaez gwn. Doengzseiz, gwn laeuj gvaq hix mbouj hab gwn lwgndae, mboujnex, couh rox yingjyangj siuvaq, nanz le conghsaej deng saekdimz.

4、Aeu yawj vunz bae gwn. Doiq boux baenz binghnyouhdangz daeuj gangj, daegbied dwg boux hezdangz gamhanh mbouj ndei gwn roengzbae cibfaen miz haih. Boux baenz dungxsiq、boux baenz haex bongh、boux ndang nyieg bingh lai、boux mehmbwk ngamq senglwg gvaq、boux rog baenz funghanz geih gwn; boux baenz menhsingq dungx in、boux baenz dungxraeng、boux gvej dungx gvaq mbouj hwb gwn.

5、Mbouj ndaej gwn lai. Youzsonh ndaw lwgndae ndaej caeuq gij gai、sinh、meij、diet daengj gvangvuzciz ndaw gijgwn habbaenz vahozvuz mbouj yungzheih deng ndang vunz supsou, yingzyangj mbouj ndaej deng leihyungh. Youh aenvih de hamz dangz lai, gwn lai rox baenz dungx ciengq. Moix baez gwn 200 gwz couh ngamj.