Seizcou dwg aen geiqciet liengzsangj he, youh dwg aen geiqciet fungsou he.

Ndaw gunghyenz, rumz cingq yienj ok gij dinfwngz swhgeij. Rumz baez ci, couh miz haujlai mbawfaex loenq roengzdaeuj, Siujyez gip mbawfaex henj he hwnjdaeuj, angq dwk naeuz:“Gou aeu dawz baema guh byauhbwnj.”Siujvwnz gip mbaw yinzsing he, angqfwtfwt naeuz:“Sou vaiq daeuj yawj, gou gip ndaej mbaw yinzsing he, gou yaek dawz baema guh ciemsaw.”Haujlai vunz cungj hozhaenz Siujvwnz.

Ndaw suenmak, gig fungsou. Makbingzgoj aen gig hung, riu dwk naj cungj hoengz lo, Siujlungz ndenq din yiet fwngz bae mbaet bingzgoj. Siujlungz ndawsim siengj:“Gou yaek dawz gij mak bingzgoj hung neix baema ranz hawj daihgya itheij gwn, caezgya itdingh gig angq.”

Ndaw suenbyaek, lauxbaeg daj lajnamh con okdaeuj, lwggwz longz hwnj geu buh saekaeuj he…… Doengh gijneix cungj hawj vunz gig muenxcuk、sim’angq.

Gou raen seizcou caen gyaeundei, seizcou dwg aen geiqciet ndeigyaez ndeu.(sam nienzgaep Cau Li)