Gaenh bi daeuj, Dwzbauj Yen cizgiz swnjcienz nem henhoh Fwencuengh、Mozlwnz Bouxcuengh、hawfwen Bouxcuengh、Heiqcuengh Baihnamz nem yisuz ngeihyienz ndokmax Bouxcuengh daengj haj hangh feihvuzciz vwnzva yizcanj, giethab nem leihyungh dangdieg lijyouz swhyenz gig miz daegsaek haenx, coicaenh vwnzva minzcuz caeuq lijyouz doxhab, cwngzyau yienhda.

Aen yienh neix haenqrengz daj- caux Mbanjdasu miz daegsaek Boux- cuengh、Nazleiz aen bozvuzgvanj baijok doenghgij ranz conzdungj Bouxcuengh、roenmax dozcaz gaeuqgeq Bwzyezboh、Ranzsaw Siuyangz、“Cungguek aen gamjlaeuj ciengz raeuj ceiq hung”gamjduzguk gingjgih、Fanghsanh Vwnzdij Gungh- yenz nem Byayinzsanh Duzsiufungh daengj swhyenz, dawz yisuz ngeih- yienz ndokmax Bouxcuengh、doiq fwen、Heiqcuengh byaujyenj、ganjmeg san lamz Bouxcuengh baijyienj、fouxsaux Bouxcuengh daengj buek hozdung hanghmoeg miz minzcuz daegsaek haenx yinxhaeuj cungdenj gingjgih, hawj ndaw gingjgih lai miz neihanz, hix lai sengdoengh. Gaenh bi daeuj, gij gingjgih neix yinx le doenghboux hekyouz daj Denhcinh、Sanhdungh、Yinznanz、Swconh、Gvangjdungh daengj dieg daeuj. Daengz dangqnaj, gaenq yinx hekyouz rog gih 3.2 fanh vunzbaez. Neix vih daengx yienh dajcaux“Gvangjsih aen singz lijyouz maenhndei”ok rengz hung, hawj vwnzva minzcuz nem lijyouz doxhab gig ndei.

(Nungz Yungjfang)