●Lungzswng Gak Cuz Swciyen miz diuz roen cienmonz guh gwzming lijyouz he, couhdwg Majdiz - Veijgyangh - Laujsanhgai. 10 nyied 1 daengz 5 hauh, doenghgij dieggaeuq gwzming gwnz roen neix gungh ciepdaih hekyouz 2.1 fanh vunzbaez, doengzbeij demhwnj 32%.

(Siz Nungzbingh Yangz Vangenh)

●10 nyied 3 hauh, Lungz- couh Yen Ginhlungz Cin daihngeih gaiq“ngoenzciet haeuxnaz hom”Bouxcuengh youq Gveibingz Cunh banh, doenghboux beixnuengx Bouxcuengh daj doxgyawj daeuj haenx daenj ndangdaenj moq, eu fwen diuq foux, baijok vwnzva Bouxcuengh maenhndei hawj hekyouz yawj.

(Cinz Youjcaiz、Fangh Meiz)

●Gozging geizgan, aenvih dwg aen cunh lizsij vwnzva mizmingz, yienghsiengq bienq ndei lai, Fuconh Yauzcuz Swciyen Cauzdungh Cin Siusuij、Fuzhih song aen cunh neix yinx le haujlai hekyouz daeuj youz, hekyouz beij bi’gvaq gyalai 10%.

(Cinz Yengiz Cinz Genvwnz)

●Youq gyajgiz gozging, Liuj- cwngz Yen 10 fanh lai moux makgam gaenh baenz lo, neix dajyinx le haujlai vunz ndawsingz daiq beixnuengx baengzyoux daeuj ndaw suen makgam mbaet aeu makgam.

(Dwng Gwzdez)

●Gaenh duenh, Yungzsuij Myauzcuz Swciyen mbwn gvengq ndit lai, nungzminz dangdieg caseiz youq dieghoengq cae reih、hai rongh、dwk bwnh、doek ceh, dajndaem byaekdaihcaiq, coicaenh demsou.

(Lungz Linzci)

●10 nyied 1 daengz 2 hauh, Siengcouh Yen Myauvangz Yangh Gujbuj Cunh aendoih fouxsaeceij gonqlaeng youq Gujbuj Cunh nem ndaw yienhsingz byaujyenj gij dinfwngz gag caux gig ndeiyawj haenx, bouxyawj cungj naeuz mizyinx, bekfwngz bobbob, nauh- nyied raixcaix.

(Gungh Genh)