Danghnaeuz gou rox bienq, gou yaek bienqbaenz duz roeg he, youq gwnzmbwn cwxcaih dwk mbin bae mbin dauq, caeuq fwjhau doxcup.

Danghnaeuz gou rox bienq, gou yaek bienqbaenz go nywj iq he, dawz guekcoj cang dwk loegyauyau.

Danghnaeuz gou rox bienq, gou yaek bienqbaenz go faex hung he, seizhah daiq liengzsangj hawj gyoengqvunz.

Danghnaeuz gou rox bienq, gou yaek bienqbaenz bonj saw he, bae daengz ndaw rungh, hawj gyoengq lwgnyez ndaw rungh ndaej hag cihsiz, hag vwnzva.

Danghnaeuz gou rox bienq, gou yaek bienqbaenz aen hojceh he, dawz gyoengqboux siengjniemh daxmeh haenx soengq ma ndaw rungj daxmeh gyoengqde, soengq ma mbanjranz gyaeundei gyoengqde.

Danghnaeuz gou rox bienq, gou yaek bienq- baenz …… (ngeih nienzgaep Lij Siengj)