●Gaenh bi daeuj, Yinhcwngz Yen daezok daegsaek nungzyez canjyezva“122”gunghcwngz(oij dangz haeuj cangj 100 fanh dun, suensangh 20 fanh moux, vagimngaenz 20 fanh moux), ginggvaq geij bi fazcanj, laebbaenz le“gwnz bya miz gocuk、 gofaex nem suenva, laj bya miz reih’oij、suensangh nem haeuxnaz, ranz miz duzmou、cwzvaiz nem duzyiengz, youh miz daemzcaujgi nem gvihraemx”.(Lanz Cunghcwngz)

●Daj bineix 5 nyied daeuj, Denhdwngj Yen comz vunz、doenghyiengh、cienzngaenz haenq- rengz baetseuq ranz、baetseuq mbanj、baetseuq goekraemx daengj“sam seuq”hozdung, neix hawj haujlai mbanj yienghsiengq bienq seuqcingh gyaeundei.

(Nungz Dayungj Vangz Lilanz)

●Geij ngoenz gonq, Nazboh Yen vwnzva minzcuz henzguek swnjcienz henhoh cungsim youq ndaw yienh Ganjdozyenz Fungh- gingjgih cingqsik haigoeng. Aen gunghcwngz neix gungh roengz 1500 fanh maenz, yungh dieg 3600 bingzfanghmij, hwnjguh menciz 6147 bingzfanghmij. Aen cungsim neix comz miz vwnzva’gvanj、bozvuzgvanj、duzsuhgvanj daengj lai cungj gunghnwngz, daegsaek minzcuz noengzna.

(Vangz Bizvaz)

●Gaenh bi daeuj, Yungzanh Yen cungdenj doigvangq saedhengz“mak ndei gunghcwngz”, ndaem baenz gij makit maenhndei fouzgoenghaih haenx vunzlai gig maij. Dangqnaj, aen yienh neix 1100 lai moux makit maenhndei laebdaeb baenz lo, gwnz hawciengz gai moix goenggaen 8 maenz doxhwnj. Neix couh naeuz daj- ndaem makit ndaej hawj vunzlai baenzfouq.(Danz Gaijhingh)

●Geij ngoenz gonq, youq gwnz hoih Dwzbauj Yen Cizyau Gaujbingz Gunghcoz Veiyi, Dwz- bauj Yen Minzcuzgiz ndaej bingzguh“Dwzbauj Yen 2012 nienz cizyau cunghab gaujhwz senhcin danhvei”.(Nungz Yungjfang)