深入瑶族屯开展宣传活动

9 nyied 14 hauh(liggaeuq bet nyied cocib), dwg Nazboh Yen Bwzswngj Yangh Sangvaz Cunh Mbanjgveihlung Yauzcuz gvaq ngoenzciet“gingq fungsou”, Nazboh Yen Minzcuzgiz haeuj daengz aen mbanj neix guh“cingz minzcuz·siengjmuengh Cungguek”senhconz hozdung. Doenggvaq venj fukvang、fat bonjsenhconz、laeb daiz camdap minzcuz cwngcwz、hai cisenhconz、vwnzyi yienjok daengj hingzsik, yiengq ginzcung Yauzcuz senhconz minzcuz cwngcwz fazgveih nem cihsiz. Ndaw doz dwg aen mbanj neix doenghboux Yauzcuz cingq yawj《Bonj Minzcuz Cwngcwz Fazgveih》.

（Vangz Bizvaz ingj）