1、Baenzae myaiz lai seiz, ndaej aeu rag ngaeux ma daem yungz, yungh baengzsa bausuek nyaenj aeu raemx heuz di dangzrwi ndeu gwn, moix baez boi ndeu, lienz gwn 3 ngoenz.

2、Aeu lauxbaeg hau singjsien swiq seuq ronq baenz gaiq, dwk roengz dangzngazmeg bae cimq 10 daengz 12 diemj cung, caj daengz lauxbaeg hawq beb le gwn dangzngazmeg caeuq raemx de. Gwn baez daengz song baez couh ndei.

3、Aeu 50 gwz youzhom、daep- yiengz 2 aen itheij cauj cug dwk gyu gwn.

4、Aeu 3 aen gyoijhom mbek naeng bae cab baenz 3 donh; 30 gwz dangznae, dwk di raemx ndeu cang vanj naengj 10 faen cung. Haemhnaengz gwn baez ndeu, laebdaeb gwn aen singhgiz ndeu couh ndei.

5、Aeu 150 gwz lauxbaeg nding、15 aen makdaihcauj, gya song vanj raemx baek daengz lw vanj raemx ndeu, ngoenz gwn 3 baez, lienz gwn 3 ngoenz.

6、Aeu ngveih gocoengz、ngveih makhuzdauz gak 60 gwz ngenz mienz, gya 15 gwz dangzrwi, moix baez gwn 6 gwz.

7、Aeu aen lauxbaeg hau ndeu, cab baenz gep iq 5 lizmij; 5 naed hozceu hau、3 gep hingndip、5 gwz naeng makdoengj, dwk di raemx ndeu baek le raenz aeu raemx gwn.

8、Aeu 5 aen makgyamj cawz ngveih louz noh, gya di begdangz ndeu aeuq buenq diemj cung gwn.

9、Aeu 500 gwz daeuhfouh unq, naeng makdoengj caeuq gezgwngh gak 5 gwz, caez dwk roengz gu bae dwk raemx baek gwd, cug le gwn daeuhfouh.

10、Aeu aen makgam daiq naeng ndeu, 15 gwz dangznae, 2 gep hingndip, gek feiz aeuq 1 diemj cung le lienz naeng gwn.