Vujhan Si Cunghsinh Yihyen Wzgoh cujyin yihswh Yangz Veiginz naeuz: Lwgnyez baenzsiq le, cingqcaen mbouj ndaej yungh ywdingzsiq caeux lai. Neix dwg aenvih, yinxhwnj baenzsiq yenzyinh gig lai, caengz loengh cingcuj couh luenh yungh ywdingzsiq, dauqfanj rox hoemqcw binghyiengh, bingh engq haeuj naek. Lumj deng nengzbingh ganjyenj, gwn ywdingz- siq le, nengzbingh、huqdoeg caeuq gij huq wnq mbouj ndaej baiz ok rog ndang daeuj, couh rox deng supsou haeuj ndaw lwed bae, hawj lwgnyez okyienh daengx ndang dengdoeg, binghcingz engqgya haeuj naek. Ndigah, lwgnyez baenzsiq seiz, itdingh aeu haeujsim yungh ndei ywdingzsiq.

Danghnaeuz lwgnyez cijdan dwg ok haexsaw, mbouj buenx miz fatndat, cawjranz ndaej yungh diuzleix goengnaengz dungxsaej daengj banhfap, lumjbaenz hawj de gwn di yizswnghgin ndeu daeuj bang dingz siq. Danghnaeuz lwgnyez dwg baenz ganjyenjsing dungxsiq, haex niunek caemhcaiq buenx miz ok lwed dem, couh aeu guh dingj ganjyenj daeuj ceihyw; danghnaeuz haex haemq saw, ndaej aeu di yw baujhoh nemmuek ndeu, lumj mungzdozsizsanj daengj yw hawj lwgnyez gwn.