Gij makyungz bingzseiz raeuz gwn haenx, miz cib daih fuengzbingh ywbingh goengyauq.

1、Ndaej fuengz aiz dingj aiz. Yenzgiu ndaej rox, gij nding makyungz ndaej mizyauq dwk yawhfuengz cenzlezsen baenz aiz、siuhvadau baenz aiz、daep baenz aiz、bwt baenz aiz、yujsen baenz aiz、rongznyouh baenz aiz、rongzva baenz aiz caeuq naengnoh baenz aiz.

2、Yw binghnaengnoh. Mak- yungz hamz miz lauxbaeg nding doxgaiq caeuq veizswnghsu A、veiz- swnghsu C, ndaej giep diemjraej、meijyungz、dingj nyieglaux、henhoh naengnoh, ndaej yw cinhgin、naengnoh ganjyenj.

3、Ndaej hawj hezcij、hezyaz doekdaemq. Ndaw makyungz soj hamz miz veizswnghsu C、luzdingh、gij nding de caeuq gojsonh, ndaej gyangqdaemq danjgucunz, hix ndaej yawhfuengz doenghmeg souhyiengh giet ndongj. Linghvaih, ndaw makyungz hamz miz daihliengh gyaz caeuq genjsingq gvangvuzciz, ndaej coi naz ndaw lwed baiz ok rog ndang daeuj, miz gyangq hezyaz、siu foeg cozyung, doiq boux mak miz bingh miz haemq ndei bangbouj ceihyw cozyung.

4、Ndaej dingj nyieglaux. Gij nding de mboujdanh dwg yw hwnjsaek gunghyez dienyienz sizbinj, engq youqgaenj dwg de dwg cungj yangjva doxgaiq gig ak ndeu. Hawj ndang vunz boujcung gij nding makyungz, ndaej hawj ndang vunz dingj ndaej gak cungj aenvih swyouzgih yinxhwnj baenz bingh doiqvaq lauxvaq nyieglaux.

5、Yw ganhyenz. Makyungz ronq baenz naed le aeu ma beuzgeng ndeu、mwnh byaekginzcai、mwnh lauxbaeg nding、lauzmou gak buenq beuzgeng, gyaux roengz haeuxcuk goenj bae log cug, dwk di gyu、veicingh ndeu gwn, yw ganhyenz yaugoj gig ndei.

6、Yw lwedhaw. Aeu makyungz、makbingzgoj gak aen ndeu, 15 gwz lwgraz, baez dog gwn liux, ngoenz gwn baez daengz song baez, ciengzgeiz genhciz gwn, ndaej yw lwedhaw.

7、Yw fatndat. Aeu raemx mak- yungz caeuq raemx sae’gva gak buenq boi heuz gwn, moux diemj cung gwn boi ndeu, ndaej doiq ndat.

8、Yw biux naeuh. Boux baenz siuhvasing biux naeuh mbaeu, ndaej aeu raemx makyungz caeuq raemx maenzdoengzlingz gak buenq boi heuz gwn, haethaemh gak gwn baez ndeu, lienz gwn 10 baez, giz biux naeuh couh ndei.

9、Cangq dungx siu cwk. Gij youjgihsonh ndaw makyungz, ndaej coi raemxdungx iemqok, siuvaq lauz caeuq danbwzciz. Demgya veisonh nungzdoh, hawj binghdungxsaej caeux hoiz dauq ndei. Soj hamz miz gojsonh caeuq veizswnghsu, ndaej bangcoh siuvaq、nyinh saej doeng haex, ndaej yw haexgaz.

10、Ndaej siu ndat gej doeg. Makyungz singq liengz feih soemj- diemz, ndaej siu ndat seng raemx、ciengx yaem liengz lwed, doiq boux baenz fatndat hozhawq bak sauj linx sauj、nohheuj ok lwed、dungx ndat bak haemz caeuq hawhuj swng hwnj miz haemq ndei ceihyw yaugoj.