Daih’it, bauj raeuj. Haeuj daengz seizcou le, aeu daegbied haeujsim bauj raeuj aendungx, gibseiz dem daenj buhvaq, hwnz ninz aeu haeujsim hoemq denz ndei, fuengz aendungx deng liengz le baenz dungx in roxnaeuz bingh gaeuq fukfat haeuj naek.

Daihngeih, gwnndoet. Gyoengq conhgyah vixok, gwnndoet seiz wng guh daengz baihlaj geij diemj: It dwg gwn raeuj、unq、cit、byaekheu、singjsien guhcawj, guh daengz dinghseiz dinghliengh, gwn siuj gwn lai donq. Ngeih dwg gaej gwn gijgwn daiq gyoet、daiq ndat、daiq geng、daiq manh、daiq niu. Sam dwg nyaij mienz menh ndwnj, gemjsiuj gijgwn cocauq gig nemmuek aendungx. Seiq dwg haeujsim gijgwn veiswngh, saek- dimz gij veizswnghvuz roggyaiq ciemqhaih nemmuek aendungx. Haj dwg caenhliengh gwn gijgwn cingsaeq、yungzheih siuvaq、yingz- yangj lai haenx.

Daihsam, caem ciengx. Conh- gyah nyinhnaeuz, cingzsi bouxvunz、simdaiq bouxvunz caeuq fatseng nem fazcanj baenz dungx in、cibngeihcijcangz biux naeuh miz gvanhaeh maedsaed. Ndigah, aeu gangj simleix veiswngh, baujciz simcingz vaiqvued caeuq cingzsi onjdingh, gaej gaenjcieng、you- caeuz、fatheiq daiq lai. Doengzseiz, aeu haeujsim guhhong caeuq yietnaiq doxgiethab, fuengz naet- naiq gvaqbouh yingjyangj veiyenz ndeidingh.

Daihseiq, yindung. Boux dungxsaej miz bingh aeu gaengawq aenndang swhgeij guh habdoh yindung lienhndang, daeuj daez- sang rengzndang dingj bingh naengzlig, hawj bingh siuj fukfat, baujciz ndang cangq.