1、Boux baenz ganhyenz cien- geiz gimq laeuj, ciujcingh ndaej hawj sibauh aen’daep gipsingq dengsieng, conjanhmeiz swng hwnj, hawj ganhyenz binghcingz engq haeuj naek, cauhbaenz lauz suek daep、ciujcinghsing ganhyenz caeuq daep ndongj.

2、Noix gwn hing、coeng、manh. Aenvih gij huq neix cungj dwg doxgaiq manhget, gyanaek aen’daep caepndat, ganhyenz engq haeuj naek.

3、Gaej gwn gijgwn ciencaq. Gwn gijneix yungzheih baenz dungxraeng, doengzseiz yungzheih seng caep seng ndat, doiq ganhyenz hoizfuk fouz leih.

4、Gwn gijgwn ndaw ranz gag ndaem guhcawj, caenhliengh mbouj gwn gijgwn cawx ma haenx. Aenvih gijgwn daj baihrog cawx ma lainoix cungj cuengq miz ywnyumxsaek caeuq ywfuengzmwt. Doengzseiz, gwn gijgwn ndaw ranz gag ndaem hix aeu caenhliengh swiq seuq, mienxndaej uq miz nungzyoz sonj- haih aen’daep.

5、Gipsingq vuengzbiu ganh- yenz dwg baihndaw caepndat hoengh lai, wng geih gwn byaekgep、nohyiengz、nohgaeq、youzbatgak、dinghyangh、hozceu daengj.

6、Boux daep ndongj aenvih megcingx gauhyaz cix hawj megcingx mbouj doengz cingzdoh hoetiet, danghnaeuz mbouj haeuj- sim gwnndoet, gij megcingx neix yungzheih dekleg, siuhvadau yungzheih ok lwed, yaeuhfat aen- daep maezgae, youqgaenj seiz rox oksaeh. Ndigah, boux baenz ganhyenz ciengeiz gaej gwn gij noh gengndongj、gij noh miz ndok、gij noh miz cenx caeuq byaekheu miz nyinzsei lai haenx, aenvih gij doxgaiq neix yungzheih sienghaih megcingx hoetiet.