柳江壮校附小：体育运动“美化”校园

Liujgyangh Yen Sawcuengh Hagdangz Fusuz Siujyoz dwg aen sifan hagdangz Liujgyangh Yen minzsuz vwnzva haeuj hagdangz caeuq Cuengh Gun song saw vah sonhag ndeu. Lai bi daeuj, hagdangz mboujdanh yawjnaek Cuengh Gun song saw vah sonhag, yawjnaek minzsuz vwnzva caeuq minzsuz conzdungj meijdwz gyauyuz, yungh “swnjcienz minzcuz vwnzva, yienjok dwzyuz daegsaek” aen lijnen neix daeuj banh hag, hawj gyoengq lwgnyez rox vwnzva Bouxcuengh raeuz. Hagdangz hix daegbied yawjnaek dijyuz gyauyuz. Hagdangz laihnaeuz, hagseng miz aenndang maenghgywg rengzrwd le, cij ndaej vaiqvued doegsaw, vaiqvued majhung. Yienghneix, hagdangz haengjheiq vatgud ndawbiengz dijyuz ndawde gij dijyuz swhyenz doiq hagseng fazcanj miz leih haenx, guh minzsuz gogenh hung hozdung, giethab gij hong “yangzgvangh dijyuz”, moix bi gawjbanh hoih yindungvei, laebbaenz dijyuz dawzyinx siujcuj, hawj hagseng camgya gak cungj dijyuz hanghmoeg doxdax, sawj hagseng miz aen ndangdaej rengzrwd ndeu.

(Couh Gveifung)