中桥小学：优美歌声唱和谐

Vujmingz Yen Cungh- gyauz Siujyoz yawjnaek hagdangz vwnzva gensez, gingciengz guh gak cungj vwnzdij hozdung doxdax, hawj lauxsae caeuq hagseng daezhawj aen bingzdaiz dox gyauhliuz、hagsib、baijyienj bonjsaeh swhgeij ndeu. Bineix 6 nyied 20 hauh, hagdangz aeu 《Siengjmuengh Cungguek Siengjmuengh Gou》guh cawjdaez gawjbanh ciengq go doxdax. Gungh miz 16 aen doih, baen baenz cuj nienzgaep sang、cuj cung nienzgaep caeuq cuj nienzgaep daemq sam aen cuj hung. Ginggva haenqhwd doxdax, gak ban cungj aeu ndaej cingzcik maenhndei. Gyoengq lauxsae caeuq hagseng youq baez doxdax ciengq go neix ndawde ndaej daengz gyaez guek cujyi gyauyuz, gietcomz sim vunzlai, ciengq ok ganging, ciengq ok huzndei, doiq hong gyauyuz caeuq hong vwnzva gensez hagdangz miz doidoengh cozyung gig daih.

(Veiz Ginjcunh)