Hocouh Si Bingzgvei Guenjleix Gih miz vunz saujsu minzcuz 5.6 fanh, ndawde miz 3 fanh vunz comzyouq hingzcwngcunh saujsu minzcuz, 2 fanh lai vunz mbek youq hingzcwngcunh wnq. Bineix, aen gih neix vih gaijndei gij diuzgen saedceij dieg gungzhoj, roengz 452.9 fanh maenz guh hanghmoeg fuzbinz, baugvat gyauhdungh、yinxraemx、canjyez bangcoengh daengj 31 aen. Ndawde ceng’aeu cienzngaenz caiz- cwng 430 fanh maenz, cienzngaenz wnq 22.9 fanh maenz. Youq dieg saujsu minzcuz roengz cienzngaenz 377.7 fanh maenz, ciemq cungjsoq 83%, ndawde guh yinxraemx gunghcwngz hanghmoeg 3 aen, roengz 16.9 fanh maenz, gyauhdungh hanghmoeg 13 aen, roengz 279.4 fanh maenz, canjyez bangcoengh hanghmoeg 6 aen, roengz 81.4 fanh maenz. Guh gij hanghmoeg neix, hawj gihcuj sezsih engq caezcienz, doidoengh dieg minzcuz ginghci ndaej fazcanj, vih coicaenh gak minzcuz huzndei caemhyouq、caensim doxcoengh、huzndei fazcanj laeb giekdaej gig maenh.

(Vuz Lifangh)