●Bineix, Gvangjsih Lijgungh Cizyez Yozyau gonqlaeng youq Bwzswz Si nem Gveilinz Si mizmbangj mbanj gungzhoj hai vunzhong lawh hong ciuyez beizyinbanh 23 aen, beizyin doenghboux gungzhoj saujsu minzcuz gyawj cien boux, vih gih raeuz dieg gungzhoj fazcanj ginghci nem sevei okrengz.

(Cinz Den)

●Lungzcouh Yen ndaej guek- gya dinghguh aen yienh minzcuz mouyi, yiengjsouh guekgya gij cwngcwz guh minzcuz mouyi nem swnghcanj doenghyiengh minzcuz daegbied haenx ndaej daigvanj youhvei leihsik. Ciuq cam rox, daj bineix daeuj aen yienh neix miz seiq aen mouyi giyez ndaej gij leihsik boujdiep daigvanj 3233.26 fanh maenz.

(Veiz Ningzswngh)

●Gaenh bi daeuj, Sanhgyangh Dungcuz Swciyen gyoengqvunz guh vwnzva saehnieb cug bi cug lai, souhaeuj hix laebdaeb daezsang. 2012 nienz, aen yienh neix doengh- boux guh vwnzva haenx gyawj 3000 vunz. Bineix 1 daengz 7 nyied, daegsaek vwnzva canjyez souhaeuj gaenq mauhgvaq 3500 fanh maenz.

(Yangz Mingz)

●Daj bineix daeuj, Nazboh Yen Minzcuzgiz aeu gak yangh(cin) sam nyied“ciet hawfwen”, Yauzcuz“ciet Buenzvuengz”guh gihvei, haeujlaeg gaihcanj minzcuz cwng- cwz senhconz hozdung, gungh fat minzcuz cwngcwz senhconz swhliu 5000 lai faenh, ciep vunzlai cam 250 vunzbaez.

(Liengz Beizcuh)

●Dangqnaj, Lungzlinz Gak Cuz Swciyen Dwzngoz Yangh vunz lajmbanj camgya baujyenj beijlaeh 100%, doenghboux 60 bi doxhwnj ndaej lingx ciengxlaux baujyenj haenx miz 3352 vunz, fatcuengq beijlaeh 100%, saedyienh lajmbanj cienzbouh ndaej yiengjsouh ciengx- laux baujyenj.

(Dauz Dwzgvangh)