Diuz rij iq he, vangqvauvau youh ciengq youh diuq, cwxcaih dwk laecancan. Lae dwk lae dwk, raemxrij daeujdaengz byai dat, cij dingqnyi “aeya” sing ndeu, raemxrij caengz ndaej diemcaw, couh deng gyoengq baengzyoux iq nyoengx roengz laj dat. Seizneix, cien diuz fanh diuz raemxrij comz youq itheij, itheij diuq doxroengz, gij singgo haenx yied haeuj yied yiengj, yied daeuj yied yiengj, sien dwg vuedbued, bienq baenz haenqfwt, yienzlaiz sing seuqsek bienqbaenz sing gyukrongx. Gyoengq raemxrij doxdongx, nauhnauh yiedyied bongh roengz laj bae, lumjbaenz yaek guhbaenz gienh daihsaeh he, gyoengqde hawj ndaw lueg dinghsoebsoeb haenx dem le yiengh senggei hoenghhwd he……

(seiq nienzgaep Yin Cinhcinh)