□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Liu Dunghswngh naeuz: “Duenhneix aenvih doek fwn lai, goengloh diegbya loemqlak, ci haeuj mbouj ndaej, miz mbangj gyu deng duetgai, dou gaenq guh cosih le, ci haeuj mbouj ndaej ne, dou cix yungh max daeuj doz haeujbae.”

De naeuz: “Gaijgez le cix ndei. Lumj gyu、youzhau、habfeiz gij doxgaiq vunzlai ngoenzngoenz aeu yungh haenx, sanghyez bumwnz itdingh aeu baujcingq gunghawj, gaej guh duetgai, mboujnex vunzlai cix aekging.”

Guh boux vunzhong yinzminz, Veiz Gozcingh cungj seizseiz cuengq gij haemzhoj youq ndaw sim bonjfaenh.

Mwh aen ngoenzsinghgiz yaek haeuj ndwencieng ndeu, de heuh misuh cingj Vangz Gwzginz caeuq Namzningz Si sicangj Yenz Gvangh- cangj daeuj, naeuz yaek bae ngonzngonz gij hawciengz gvaq cieng Namzningz.

Vangz Gwzginz dwg boux ganbu Bouxcuengh ndeu, aenvih gij saeh haeuxgwn, geij bi neix daeuj caeuq Veiz Gozcingh baedauq haemq lai. Ngoenzhaenx, Vangz Gwzginz ngamq haeuj dou, Veiz Gozcingh cix cam: “Lauxvuengz, ndaw cang lij miz geijlai haeuxgwn, dingj ndaej roengzbae lwi?”

Vangz Gwzginz genjdanh gyoeb- lwnh le naeuz: “Bineix ndei gvaq song sam bi gonq, hoeng haeuxgwn lij gaenj di.”

De doq ciep vah naeuz:“Gaej guh mbouj singjgaeh bw, sou aeu gibseiz gaemdawz cingzgvang, guh ndei anbaiz.”

Cingq doxgangj dwk, Yenz Gvanghcaij lingx boux sang ndeu haeuj ndaw ding daeuj.

(caengz sat)