Ranz gou youq lajmbanj, gizneix faex heu baenz raemh, funghgingj gyaeudei.

Naj mbanj, miz diuz dah raezrangrang ndeu, raemxdah saw- ndik raen daej, duzbya youq ndaw raemx youz bae youz dauq. Henz dah miz gaiq diegnywj ndeu, gyoengq baengzyoux iq cungj gyaez youq gwnz diegnywj guh’angq、cuengq yiuhrumz.

Diuz goengloh gvangq he doeng gvaq ndaw mbanj, song henz loh ndaem le haujlai gofaex hung, gyoengqvunz bae haw roxnaeuz bae mbanj, byaij ok bakdou couh ndaej dap ci lo.

Laeng mbanj dwg goengqbya, gwnz goengqbya hix ndaem miz haujlai gofaex, duzroeg cingq youq gwnz gofaex simhai dwk ciengqgo ne. Youq laj dinbya maj rim le gak cungj gak yiengh va’ndoeng, duz youh duz mbungqmbaj youq ndaw byozva mbin bae mbin dauq, hawj ranzmbanj demgya le haujlai senggei.

Ranzmbanj gou geijlai gyaeu- ndei ha ! Gou gyaez ranzmbanj gou !

(指导老师：李专红)