Ranzmbanj gou youq lajmbanj, dwg gizdieg bya heu raemx saw ndeu. Gou ceiq gyaez diuz rijiq ranzmbanj.

Seizcin, gak cungj va’ndoeng、go’nywj maj ndaej dauqcawq cungj dwg, song henz rijiq daegbied mwncup. Mizmbangj vunz lij youq henz rijiq ndaem byaek ne. Banngaiz, daengzngoenz ingj youq ndaw raemxrij, lumjbaenz aen giuzfeiz hung ndeu youq ndaw raemx.

Seizhah, gyoengqvunz cungj gyaez bae henz rijiq youzbyaij、gaeb bya. Gyoengq bouxlaux song sam boux comz youq itheij gangjgangj riuriu; gyoengq baengzyoux iq cix gyaez youq ndaw rijiq gaebbya.

Seizcou, dienheiq bienq ndaej liengzsangj. Gij gofaex song henz rijiq mbaw loenq lo, mbawfaex deng rumzcou ci dwk, lumj baenz duz baenz duz mbungqmbaj mbin bae mbin dauq.

Seizdoeng, henz rijiq caem- rwgrwg. Gij raemxrij gig nit, danghnaeuz mwngz iet fwngz roengz ndaw raemx bae, fwngz couh deng nit ndaej saenzdedded.

Gou gyaez diuz rijiq ranzmbanj, aenvih de daiq hawj gou haujlai vaiqvued.(指导老师：李专红)