Gaenh bi daeuj, Nazboh Yen Bwzhoz Yangh ciuq lohnaemj“it bauj、 ngeih gya、 sam gya’ndei”guhhong, ciuq dieg bae hengz, dajyinx nem gujli saujsu minzcuz daihlig fazcanj canjyez“loeg”(couhdwg gosangh nonsei、 batgak、 yi’gvei、samoeg、cazyouz、faexcuk), nungz- canjbinj“ndaem”(maenzmeiq、duh- ndaem、duhdoemndaem、yiengz- ndaem、gaeqndaem), youq dieg、gisuz、cienzngaenz daengj fuengmienh daezhawj daihlig bangcoengh, bangfuz dangdieg fazcanj canjyez, coicaenh saujsu minzcuz baenzfouq.

Ciuq cam rox, daengz dangqnaj, aen yangh neix gyoepsuenq dajndaem batgak 9 fanh lai moux、yi’gvei 2 fanh lai moux、faexsamoeg 3.2 fanh lai moux、 suen gosangh 9200 moux、cazyouz 5172 moux、faexcuk 2902 moux. Baenz gveihmoz dwk fazcanj maenzmeiq 5000 moux、duhndaem 2000 moux、duhdoemndaem 1000 moux, yiengz- ndaem 1500 duz、gaeqndaem 10000 duz. Dan duhndaem, dangqnaj couh ndaej sou lo, moux canj 400 gaen, ciuq moix gaen 4 maenz suenq, canjciz 160 fanh maenz. Guj bi“haj ndaem”nungzcanjbinj cunghab canjciz 3000 fanh maenz doxhwnj. Bi ndaej reh 60 fanh gaen doxhwnj, gosangh nonsei cunghab canjciz 2500 fanh maenz.

(Vangz Bizvaz)