●Sanhgyangh Dungcuz Swciyen Bazgyangh Yangh Buyangh Cunh fazcanj gohgi ndaem caz、ganq caz、guh caz, dangqnaj miz suencaz 3600 moux. Bi’gvaq, aen cunh neix moix boux nungzminz cinghsouhaeuj 8153 maenz, baenz le“Gvangjsih aen mbanj caz Dungcuz”gig mizmingz.

(Gungh Bujgangh)

●Bineix, Nazboh Yen roengz 2820.48 fanh maenz saedhengz vunzhenzguek swnghhoz bangbouj hanghmoeg. Ciuq cam rox, doenghboux ndaej bangbouj haenx baugvat vunz Bingzmung、Bwznanz、Bwzswngj、Bwzduh 4 aen yangh(cin) henzguek, 29380 vunz souh’ik.

(Maj Yungj)

●Lai bi daeuj, Duh’anh Yauzcuz Swciyen doenghboux nungzminz Yauzcuz cungfaen fazcanj yiengzbya dajciengx. Dangqnaj, aen yienh neix gaenq laebbaenz yiengzbya dajciengx lungzdouz giyez aen he, gizdieg yiengzcungj swcigih gaep aen he, hoh sifan dajciengx 272 hoh. Hoh dajciengx yiengzbya 3 fanh lai hoh.

(Lanz Fuzgvanh Lanz Aicih)

●Daj bineix daeuj, Nanz- danh Yen Cungcaizyen mbouj- duenh daezsang banh’anq naengz- lig nem banh’anq yauliz, henhoh leih’ik nungzminzgungh. Daengz 6 nyied daej, aen yienh neix gungh laeb’anq 8 gienh, banh liux 8 gienh, coengh 350 boux nungz- minzgungh aeu dauq cienzgoeng 182.4365 fanh maenz.

(Denz Gaihlieng )

●Bineix 1 daengz 5 nyied, Liujcwngz Yen gij gunghyez baenz gveihmoz doxhwnj haenx cungjcanjciz 28.42 ik maenz; daengx sevei guding swhcanj douzswh 28.85 ik maenz, doengzbeij demhwnj 54.14%; daengx yienh caizcwng souhaeuj 2 ik maenz, demhwnj 15.39%.

(Dwng Gwzdez)