Cin raeuj va hai, sengheiq hoenghhwng, raeuz ciep daeuj le sam nyied raeujrub. Sam nyied haj hauh ngoenz geiqniemh hag Leiz Fungh, moix boux vunz cungj wnggai hag Leiz Fungh, guh Leiz Fungh.

Sam nyied haj hauh, youq aen saedceij daegbied neix, segih lingjdauj cujciz raeuz daengz Beileiz Segih hag Leiz Fungh. Hozdung ndawde, mizmbangj dawz sauqbaet sauq gai, miz- mbangj dawz baengz uet dou caeuq cueng, lij mizmbangj dawz canj iq canj gij ceij luenh nem gwnz ciengz. Gig vaiq, segih couh moqsaksak lo.

Gij hozdung hag Leiz Fungh youq gwnz segih dauqcawq cungj raen, dauqcawq hawj vunz ganjdung; youq gwnz gunghgung giceh, geij boux hek doxciengj yiengh diegnaengh hawj boux- laux; ndaw duzsuhgvanj, daihgya bang duzsuh gvanjlijyenz cingj- leix gij saw doek youq gwnz doem haenx; ndaw gunghyenz, boux coz ndeu swnhfwngz gip hwnj aen yilahgvan gwnzdieg. Caemhcaiq dawz de cuengq haeuj ndaw doengjlahgiz bae.

Gyoengq doengzhag, raeuz itheij hingzdung hwnjdaeuj hag Leiz Fungh, guh boux Leiz Fungh lix ndeu ba.(指导教师: 詹献美)