Dungj Siveih, bineix 73 bi, 1970 nienz camgya Cunghgoz Gungcanj- dangj, haeujdangj ndaej 40 lai bi, seizneix dwg Cunghgoz Gungcanj- dangj Yungzsuij Myauzcuz Swciyen Yanghfwnj Yangh Sinhbingz Cunh Dangjcihbu baihlaj boux faenbouh suhgi he.

Gaenh bi daeuj, de leihyungh doenghgij faexcoengz goz、ngeih gocoengz daeuj ung maenzgex, daiqlingx 10 lai hoh Myauzcuz ung maenzgex, laebbaenz maenzgex daj- ndaem conhyez hozcozse, neix hawj moix hoh bingzyaenz souhaeuj 3 fanh lai maenz, Dungj Siveih swhgeij moix bi souhaeuj 5 fanh lai maenz.

Ciuq cam rox, aen yienh neix daengx yienh miz 170 hoh dajndaem maenzgex, bi cungjcanjlieng 170 lai dun, cungjsouhaeuj 100 lai fanh; maenzgex, ciengzbaez Vahgun heuh- guh yinzlingz、sunghlingz、fuzlingz, dwg cungj raet siengz youq gwnz faexcoengz, yiengh lumj lwgmaenz, gyamq ndaem aeuj, baihndaw hau roxnaeuz meiq, dwg cungj ywdoj hung vunzraeuz ndaem haenx.

(Liu Swjyenh)