●7 nyied 9 hauh, dwg lig- gaeuq loeg nyied co’ngeih, Yungz- suij Myauzcuz Swciyen Bwzyinz Yangh Baujgyangh Cunh gawjbanh cietlumhbya. Dangdieg Myauzcuz、Dungcuz、Yauzcuz daengj saujsu minzcuz ginzcung comz daengz henz rij, angqyangz youh nauhyied dwk camgya lumh bya、ciengj bya hozdung.

(Danz Gaijhingh)

●7 nyied 7 hauh banhaet, doenghboux gunghsanghgyaiq dwg vunz Daginz Cunh haenx“lajmbanj cinghseuq”hozdung gien cienz yizsi youq Yungzanh Yen Sanhyouj Muzyez Youjhan Gunghswh gawj- hengz. 16 boux gunghsanghgyaiq dwg vunz Daginz Cunh haenx doxcomz youq gizhaenx, vih mbanjranz cinghseuq hozdung okrengz.

(Veiz Cujswz Dwng Lingznaz)

●7 nyied 6 hauh, Dunghlanz Yen Sanhlung Yauzcuz Yangh gyoengq beixnuengx Yauzcuz comz daengz Sanhhoz Cunh gvaq ngoenzciet conzdungj Yauzcuz. Dangdieg baijcuzsoj gaemdawz aen gihvei neix, bienguh caemhcaiq yaenq gij fwen aeu faplwd fazgveih cihsiz guh neiyungz haenx 30 lai souj, fat hawj gyoengq Yauzcuz youq yienhciengz, linghvaih bienbaiz le fazci cezmuz yienjok camgya hozdung, hawj engq lai vunz rox mizgven faplwd.

(Lanz Dunghyin)

●Daengz 6 nyied daej, Dwzbauj Yen caizcwng souhaeuj gyoepsuenq ndaej 46588 fanh maenz, guhsat gij yinvu buenq bi gonq youz baihgwnz dingh haenx 109.62%, doengzbeij demsou 206 fanh maenz, demhwnj 0.44%; gunghgung caizcwng yawhsuenq souhaeuj 33503 fanh maenz, doengzbeij demsou 6478 fanh maenz, demlai 23.97%.

(Nungz Yungjfang)

●1 daengz 6 nyied, Nazboh Yen gyoepsuenq fat haeux bangbouj vunzgungzhoj lajmanj haenx 273208 goenggaen、youzgwn 4961 goenggaen, coengh ginzcung gungz- hoj 9528 hoh 22173 vunzbaez.

(Maj Yungj)