Bingzgoj Yen Haijcwngz Yangh gij dieg Yauzcuz comzyouq haenx diegrin lai diegnamh siuj, diuzgen gig nyauq, diegnamh bienq noix roxnaeuz bienq nyauq sawj dangdieg Yauzcuz fazcanj ginghci gig hoj. Danhseih, ginggvaq lai bi damqra, aen yangh neix ra ndaej diuz roen“aeu canjyezva gaijbienq sizmozva”haenx, couhdwg dajndaem vagimngaenz, daiqlingx beixnuengx Yauzcuz fazcanj canjyez baenzfouq.

Youq dajndaem vagimngaenz ndawde, aen yangh neix leihyungh giswngh hezvei roengz gihcwngz、fuzvu lai cungj youhsi neix, yiengq nungzhoh gangj dajndaem vagimngaenz ndei- cawq gig lai, dawz gij ginghci yauyiz dajndaem vagimngaenz caeuq conz- dungj nungzyez canjyez doxbeij, hawj vunzlai roxyiuj, caemhcaiq roengz- rengz dajndaem; doengzseiz, iucingj conhgyah daengz yienhciengz guh gisuz beizyin, conhgyah ciengzsaeq gangj baenzlawz dajndaem、senj dieg、ganq、fuengzre nonhaih daengj, doengzseiz hoizdap le vunzlai cam, daezsang ginzcung dajndaem va- gimngaenz gisuz; gibseiz ok cwngcwz bangfuz, gibseiz roengz cienzngaenz bangfuz, hawj gij nungzhoh dajndaem vagimngaenz haenx moix hoh 500 maenz; linghvaih, cungfaen leihyungh gij daigvanj soqiq diep leihsik giva swnghyuz, coengh doenghboux yaek dajndaem vagimngaenz hoeng ngaenz mbouj gaeuq haenx ceng’aeu daigvanj, 2013 nienz, aen yangh neix gungh hawj 50 hoh Yauzcuz fat daigvanj diepsik 5.5 fanh maenz.

Dangqnaj, aen yangh neix gungh dajndaem vagimngaenz 1250 moux, guj bineix vagimngaenz canjciz 100 lai maenz, moix hoh demsou fanh lai maenz. Dajndaem vagimngaenz gaenq baenz diuz roen ndei hawj Yauzcuz dangdieg baenzfouq he.

(Vangz Cinhhoz Cinz Siujfung)