●7 nyied 6 hauh, Majsanh Yenveij、Yencwngfuj daengz Lij- dangh Yauzcuz Yangh guh hozdung angqhoh“Daznuzcez”. Hozdung neiyungz miz gaihmusiz vwnzyi comzyienj、gaeqdoxdoj、saujsu minzcuz conzdungj dijyuz doxdax daengj；doengzseiz leihyungh baez hozdung neix guh banjbau、venj fukvang、vwnzyi comzyienj daengj hingzsik senhconz minzcuz cwng- cwz.

(Danz Gveilanz)

●6 nyied 26 hauh lajbyongh- ngoenz, Vuzcouh Si Cangzcouh Gih Vunzcaiz Sicangz gawjhengz 2013 nienz saujsu minzcuz ciuyez cauhbinvei, miz 40 aen giyez camgya, daezhawj 1000 aen gangjvei; miz 322 vunz daeuj ra hong, daihgaiq miz 200 boux dabbaenz yiyang, ndawde vunz saujsu minzcuz gyawj 50 boux.

(Cangzcouh Gih Minzcunghgiz)

●6 nyied 30 hauh banhaemh, Nazboh Yen Cwngzsiengh Cin Cinyi Segih、Cwngzsiengh Duenz- heiqcuengh youq yienh yinzminz gunghyenz gawjbanh angqhoh Cunghgoz Gungcanjdangj laeb- baenz 92 hopbi vwnzyi comzyienj hozdung, 500 lai vunz daeuj yienhciengz ngonzyawj.

(Vangz Bizvaz)

●Daj bineix daeuj, Dwzbauj Yen nyinhcaen gvancez lozsiz guekgya“Cibngeih Haj”geizgan minzcuz giyez daigvanj youhvei cwngcwz. Daengz 6 nyied 30 hauh, daengx yienh minzcuz giyez ndaej youhvei leihsik daigvanj 7325 fanh maenz, giyez ndaej yiengjsouh leihsik boujdiep 23 fanh maenz.

(Nungz Yungjfang)

●Vih caenh’itbouh daezsang saujsu minzcuz ganbu cunghab suciz, 6 nyied 18 hauh daengz 27 hauh, Guekgya Minzveij youq Cunghyangh Minzcuz Ganbu Yozyen gawjbanh daihcibroek geiz daengx guek saujsu minzcuz ganbu beizyinbanh, 101 boux yozyenz daj Huznanz、Yinznanz caeuq Gvangjsih sam aen swngj、swcigih daeuj haenx camgya beizyin.

(Vangz Yungjli)