Ranz gou ciengx haj duz byagim iq dwggyaez, song duz saek henj, sam duz saek hoengz. Gyoengqde moix ngoenz youq ndaw raemx vaiqvued dwk youz bae youz dauq, couh lumj haj diuz saidoengz youq ndaw raemx diuqfoux.   

Gij vayiengh byagim youzraemx haenx gig lai！Miz seiz baihgwnz baihlaj neb dwk youz；miz seiz ngeng ndang youz；miz seiz lij baiz baenz cih it……Ceiq miz yinxdaeuz couh dwg ciengj gwn ha！Moix daengz gou ndwn youq henz gang seiz, haj duz byagim aj bak dwk, caez youz gvaqdaeuj, lumj yaek diuq okdaeuj nei. Gou gipmuengz dawz gijgwn gveng roengz ndaw raemx bae, cij dingqnyi “fi”sing ndeu, haj duz byagim ceng gonq lau laeng dwk ceng gwn. Yaep he, couh gwn liux lo.

Byagim gwn imq le, youh hainduj youzlangh, aen gyaeuj nem aen gyaeuj, aen mbaq caeuq aen mbaq bingzbaiz, mienh youz raemx, mienh gangjgoj, caen vaiqvued ha！   （指导老师：李文海）