Bi’gvaq, Duh’anh Yauzcuz Swciyen Minzcuzgiz vih vunz dieg saujsu minzcuz comzyouq haenx banh cib gienh saehsaed saeh- ndei.

It dwg haeuj mbanj Bouxcuengh nem Yauzcuz senhconz minzcuz lijlun、cwngcwz、 faplwd fazgveih nem minzcuz gihbwnj cangzsiz dangj raeuz, gonqlaeng fat senhconz swhliu 6000 lai faenh, saw minzcuz 500 lai bonj. Ngeih dwg ceng’aeu baih- gwnz hawj cienzngaenz hanghmoeg fazcanj saujsu minzcuz 90 fanh maenz, gaijgez 3205 vunz byaij roen、gwnraemx hoj vwndiz, baugvat Baujanh Yangh Baujanhcunh Mbanj- lunggya、Gauhlingj Cin Fuhingh Cunh Mbanjlungvan、Cinghcwng Yangh Dwnghlicunh Mbanjgujsiz、Yaau Yangh Lungzdung Cunh Mbanjlahbah. Sam dwg ceng’aeu swcigih 4.8 fanh maenz bangbouj hagseng saujsu minzcuz maenhndei youh daegbied gungzhoj haenx haeujhag, gaijgez 26 boux gauh- cunghswngh、dayozswngh haeujhag hoj vwndiz. Seiq dwg aeu ndwen senhconz minzcuz doxgiet hozdung guh gihvei, ok cienz 1.2 fanh maenz banh 3 ciengz doxcomz eu fwen、2 daiz minzcuz doxgiet cinbu ciendaez vwnzyi vanjvei、baez minzcuz doxgiet cinbu ciendaez gyangjco. Haj dwg hawj 8 fanh maenz guh hozdung, youq Dahingh Yangh Giujyangh Yauzcuz Sinhcunh guh Yauzcuz funghcingz baijyienj, miz cien boux Yauzcuz camgya, banh le geiqniemh“Cietcucuz”daizngaiz raez cien vunz caemh gwn hozdung. Roeg dwg hawj 5 fanh maenz bangcoengh Dahingh Yangh Vahgangh Yauzcuz Sinhcunh gyoengq beixnuengx Yauzcuz guh 100 dauq ndangdaenj minzcuz. Caet dwg haeuj giz lienzhaeh fuzbinz Yaau Yangh Lungzdung Cunh guh hong bangfuz veivwn, gonqlaeng bangfuz 0.5 fanh maenz hawj doenghgij ranz gungzhoj cawx veisingq densi ciepsou sezbei, caemhcaiq haibanh 2 geiz nungz- minz dajciengx nem ciuyez ginwngz beizyinbanh. Bet dwg boiqhab ginhyungz daengj bumwnz guh ndaej hong nyinhdingh gij minzcuz giyez yiengjsouh youhvei cwngcwz haenx. Gouj dwg gaihcanj saujsu minzcuz vwnzva caeuq minzswngh diuyenz hozdung. Cib dwg cizgiz fatdoengh、dazyinx ranz gungzhoj guh ndei hong ndaem oij nem makhwzdauz.

(Lanz Fuzgvanh)