Bonjbauq siusik(gicej Veiz Yennaz) 6 nyied 8 hauh, bonj sawfwen《Sing Fwen Goksa Ciengq Daengzcog》soujfazsi youq Nanzningz gawjhengz. Bonj saw neix dwg bonj sawfwen daih’it aeu fwen senhconz Dangj Cibbet Daih cingsaenz haenx, ndaw saw gungh miz 1200 lai hot fwen, faen 13 aen bouhfaenh, neiyungz baugvat Cibbet Daih Baugau、siengjmuengh Cungguek nem gij fwen maenhndei daj ndaw《Sam Nyied Sam》genj okdaeuj haenx, baihlaeng bien miz Dangj Cibbet Daih Baugau. Ciuq cam rox, gij hong ok bonj sawfwen neix youz Swcigih Dangjveij Senhconzbu anbaiz, ndaej Swcigih Vwnzlenz laebhangh, youz Gvangjsih Minzgenh Vwnzyi’gyah Hezvei cujciz saedhengz.

Swcigih Dangjveij Senhconzbu、Swcigih Vwnzlenz daengj bumwnz bouxfucwz nem Swcigih Duzsuhgvanj、Nanzningz Si Duzsuhgvanj、Gvangjsih Dayoz Duzsuhgvanj daengj danhvei caeuq Nanzningz sinhvwnz gyaiq daibyauj 60 lai vunz camgya le soujfazsi.

Youq gwnz hoih, Swcigih Dangj- veij Senhconz Vwnzyicu cucangj Vangz Yinzlungz haenh gij lohnaemj moq aeu fwen daeuj senhconz Dangj Cibbet Daih cingsaenz neix; Swcigih Vwnzlenz cujsiz Veiz Soujdwz maqmuengh boux guh hong vwnzyi ndawbiengz aeu haengj cauxmoq, fanzyungz vwnzyi ndaw- biengz, saedyienh siengjmuengh Cungguek.

Gyoengq canghfwen youq gwnz hoih hix langhsing eu fwen.