●Dangqnaj, Hocouh Si Bingzgvei Gvanjlij Gih aen Mauz- hozdung Suijdencan roengz 620 fanh maenz haenx gaenq ndaej yungh lo. Neix mboujdanh gaijgez 1500 boux saujsu minzcuz gwnraemx ancienz vwndiz, vanzlij doihaeuj diegbya gyae nem saujsu minzcuz minzswngh suijli nem suijswnghdai gensez.

(Vangz Ligenh)

●Daj 3 daengz 5 nyied, Lozyez Yen dawz 120 diuz siusik baenzfouq soengq hawj Yauzcuz nungzminz ginzcung, soengq 3 fanh lai go dinfaex samoeg, dinfaex makgam maenhndei 2 fanh lai go, doenghyiengh nungzyez、feizliu 50 lai dun hawj nungzhoh, bangcoengh Yauzcuz ginzcung gaijgez cienz- ngaenz swnghcanj 10000 lai maenz.

(Yenz Gozveij)

●Gaenh bi daeuj, Nazboh Yen daeng miz 85 giz vwnzvuz mbouj ndaej senj haenx. Geij ngoenz gonq, aen yienh neix cingqsik yiengq sevei gunghbu. Gij vwnzvuz neix baugvat dieggaeuq、ranzgaeuq、mohgaeuq、sigbei、gij gencuz gin yendai daengj haj daihloih.

(Maj Yungj)

●Daj bineix seizcin daeuj, Lingzconh Yen Lanzdenz Yauzcuz Yangh gaenq hawj 230 hoh Yauzcuz mienxfeiq fat 3000 go faexraq、 3000 go faexsihnanvaz、5200 go faexyinzhing、10000 lai go faexmizhoudauz daengj dinfaex bengz haenx, mizyauq dwk coengh ginzcung saujsu minzcuz fazcanj ginghci, mboujduenh daezsang swnghhoz suijbingz.

(Yangz Yungjgvangh Cwng Yungj)

●Vih cienzmienh liujgaij dieg saujsu minzcuz ginghci fazcanj cingzgvang, daj 5 nyied 10 hauh daeuj, Dwzbauj Yen Minzcuzgiz cujciz vunz bae Dunghlingz、Yungzvaz、Lungzsangh daengj 3 aen yangh(cin) guh dieg Yauzcuz ginghci fazcanj cingzgvang diucaz hozdung.

(Nungz Yungjfang)