□ 关仕京 搜集翻译

（接上期）

Sai: Haemh ninz da mbouj laep，

Youh doeksaet geij baez；

Boux youq doeng youq sae，

Mbouj yungzheih doxraen.

男：夜晚不合眼， 吃惊好几遍；

各人在一方， 难以能相见。

Mbwk: Nuengx ninz da mbouj laep，

Yaepyaep hwnq hai dou；

Ngeix caen gyaez beix gou，

Ok bakdou bae muengh.

女：妹夜不恋床， 频频开门窗；

真心爱阿哥， 到门口眺望。

Sai: Ninz hix da mbouj laep，

Yaepyaep hwnq gwn caz；

Ngeix daengz nuengx gou ga，

Vit cenj caz fat meiq.

男：总不入睡， 密密喝茶水；

想到我妹呀， 搁杯快发霉。

Mbwk: Haemh ninz da mbouj laep，

Saekwk hwnqdaeuj ndwn；

Ngeix daengz mwngz beix-

lwnz，

Ndei ok hwnz bae cimh.

女：夜睡眼睁看， 喷嚏起来站；

一想到阿哥， 要连夜去探。

Sai: Baenz hwnz da mbouj laep，

Yaepyaep hwnq cit ien；

Siengj daengz nuengx doengz-

nienz，

Vit doengzien fat daeuh.

男：整夜眼不闭， 密密吸烟勤；

想到同年妹， 搁烟变灰烬。

Mbwk: Haemh ninz daengz gyang-

hwnz，

Gyaez beixlwnz cix daej；

Vunz ninz caemsaesae，

Gou daej cungj caengz yaemz.

女：睡到半夜间， 爱哥泪涟涟；

他人入梦乡， 我哭苦难咽。

Sai: Gou seiq youq seiq nyap，

Dangq diuzrap cien gaen；

Gyaez mbaej aeu mwngz ngaenz，

Ngoenz sied gaen sied buenq.

男：我越来越烦， 似挑千斤担；

爱未能娶妹， 日瘦斤或半。

注：mbaej, 即 mbouj ndaej

Mbwk:Lwgmbu euj faenliz，

Gij i lij doxgaen；

Mbouj heiq le beixngaenz，

Ngoenz yaek daengz caemh heih. 女：藕折断分离， 其丝还相依；

莫愁哩阿哥， 吉日到也易。

Sai: Ngeix caen gyaez nuengx lai，

Dangq vaiz ngah nywj oiq；

Ndiepgyaez siengj guhdoih，

Lumj gooij muengh fwn.

男：想妹心急躁， 似牛谗嫩草；

爱慕想作伴， 如蔗盼雨到。

Mbwk: Ciuq gij vah beix gangj，

Vahmanh ndaej yw mbwn；

Ciuq gij bak beixlwnz，

Mboujmiz vunz ndaej beij.

女：照阿哥所言， 辣话可医天；

按阿哥口才， 无人可比肩。

Sai: Ciuq song raeuz doxgyaez，

Ra gaiq beij mbouj raen；

Gyaez mwngz lai ha ngaenz，

Doxgaen mbouj hawj duenh.

男：咱相爱情感， 啥也比不上；

爱你呀银妹， 永作伴相帮。

Mbwk: Bakbak gangjnaeuz gyaez，

Dangq raemx caeh roengz

gyoeng；

Bakbak gangj gyaez doengz，

Lau geij ngoenz cix vit.

女：句句说爱浓， 似水冲下洞；

声声说爱伴， 几天恐无踪。

Sai: Gangj song raeuz gij gyaez,

Lwnh bae raez baenz dah；

Diemj cung mbouj raen naj，

Lumj seiqhaj bi lingz.

男：咱俩这情爱， 讲来长似河；

一小时不见， 似五年相隔。

Mbwk:Beix dem nuengx miz sim，

Dangq mae cim doxriengh；

Mbwn yaek cawq beixnuengx，

Mbouj muengh cungj gag baenz.

女：哥妹有心恋， 似针线相连；

天若能作美， 不盼自成全。

Bet、Doxndiep

相 爱

Sai: Song raeuz caez doxndiep，

Gou hix biek hix ngeix；

Mbouj raen nuengx hujgeiq，

Diemheiq mbouj daengz gwnz.

男：咱俩成爱侣， 辞别我忧虑；

不见伙伴妹， 呼吸也无力。

Mbwk: Mboujcaih gag mwngz ndiep，

Nuengx biek caemh sim fanz；

Ngoenzneix ndaej doxnyangz，

Dangq va langh gwnz ndoi.

女：不只你爱俺， 妹别也心烦；

今日能相逢， 像花开坡上。

Sai: Gag youq caiq gag siengj，

Beix ndiep nuengx mbouj lumz；

Song raeuz mbaej caemh gwn，

Seiqvunz nanz gvaq ciuh.

男：独住自思想， 哥爱妹不忘；

咱不能同吃， 此生难度完。

Mbwk: Youq boux mbiengj dinmbwn，

Gyaez lwnz mbouj raennaj；

Ndiep mwngz lai beix ha，

Byaij ga fouzfiengfieng.

女：各在天一方， 想哥不见样；

实在太爱你， 走路步踉跄。

(caengz sat)