Baenz da foeg yenzyinh miz:

1、Yaek haeujninz gaxgonq gwn raemx lai;

2、Goengnaengz aenmak miz vwndiz;

3、Aenvih veiswngh mbouj ndei roxnaeuz yungh dennauj seizgan nanz lai.

Canghyw genyi naeuz:

1、Yaek haeujninz gaxgonq gaej gwn raemx lai;

2、Gyaeujswiz demh gyaeuj gaej daemq lai. Boux gaenq baenz da foeg ndaej yungh fuengfap lajneix daeuj yw: Guh geij faen cung cehda yindung, song ceh da doengzseiz yiengq baihswix vaiqvet yawj 10 baez, caiq vaiqvet yiengq baihgvaz yawj 10 baez, yienghneix guh ndaej hawj lwgda engq ndongqrongh. Hix ndaej gwn di cazloeg ndeu, caiq aeu mbawcaz cumx dwk daeh oet haeuj binghsiengh bae lwngjdung, haetnaengz dawz okdaeuj baeng gwnz lwgda 5 faen cung, yaugoj gig ndei.